പ്രധാന വിവരങ്ങള്‍:
വ്യാപിതമായ സുരക്ഷാ മുന്‍കരുതലുകള്‍: ബര്‍ലിന്‍, ഹാംബുര്‍ഗ്, ഫ്രാങ്ക്ഫര്‍ട്ട്, മ്യൂണിക്ക്, കൊളോണ്‍ തുടങ്ങിയ നഗരങ്ങളിലെല്ലാം വലിയ തോതിലുള്ള സുരക്ഷാ ക്രമീകരണങ്ങള്‍ ഒരുക്കിയിട്ടുണ്ട്. ടോഡ്സ് (Tod's), ബുര്‍ബെറി (Burberry), ബള്‍ഗാരി (Bulgari), ടിഫാനി (Tiffany), ചീുമൃറ തുടങ്ങിയ ആഡംബര ബ്രാന്‍ഡുകളുടെ ഷോറൂമുകളാണ് മുന്‍കരുതല്‍ എന്ന നിലയില്‍ ബോര്‍ഡുകള്‍ അടിച്ച് അടച്ചിട്ടിരിക്കുന്നത്. ബര്‍ലിനിലെ കുര്‍ഫര്‍സ്റെറന്‍ഡാം
കൊളോണിലെ വാള്‍റാഫ്പ്ളാറ്റ്സ് (Wallrafplatz) തുടങ്ങിയ പ്രശസ്തമായ ഷോപ്പിംഗ് തെരുവുകളില്‍ ഇപ്പോള്‍ കോട്ട കെട്ടിയതിന് സമാനമായ ദൃശ്യങ്ങളാണ് കാണാന്‍ സാധിക്കുന്നത്.
കലാപഭീതിയും ആശങ്കയും: ഫ്രാന്‍സിലെ അക്രമ സംഭവങ്ങളുടെ പശ്ചാത്തലത്തില്‍, ജര്‍മ്മനിയിലെയും ഇന്‍ഷുറന്‍സ് കമ്പനികളും വ്യാപാര സംഘടനകളും കടുത്ത ആശങ്കയിലാണ്. ചില വ്യാപാരികള്‍ ശനിയാഴ്ച തങ്ങളുടെ കടകള്‍ പൂര്‍ണ്ണമായും തുറക്കില്ലെന്ന് അറിയിച്ചിട്ടുണ്ട്ധരശലേ: കൊളോണിലെ ഹുങ്കെമ്യോള്ളര്‍ (Hunkemoeller), യുനിക്ളോ (Uniqlo) തുടങ്ങിയ വന്‍കിട ചെയിന്‍ സ്റേറാറുകളും സുരക്ഷാ സംവിധാനങ്ങള്‍ വര്‍ദ്ധിപ്പിച്ചിട്ടുണ്ട്.
കൊള്ളയ്ക്കുള്ള ആഹ്വാനങ്ങള്‍: സോഷ്യല്‍ മീഡിയയിലെ ചില ചാറ്റ് ഗ്രൂപ്പുകളിലും ടിക്ടോക്ക് പോലുള്ള പ്ളാറ്റ്ഫോമുകളിലും പ്രതിഷേധങ്ങളുടെ മറവില്‍ കടകള്‍ കൊള്ളയടിക്കാനുള്ള ആഹ്വാനങ്ങള്‍ ഉയര്‍ന്നിട്ടുണ്ട്. ഡ്യൂസല്‍ഡോര്‍ഫിലെ ക്യോണിഗ്സ്ആലീ (Koenigsallee), കൊളോണ്‍ ഫുട്പാത്ത് തുടങ്ങിയ ഇടങ്ങള്‍ പ്രത്യേകമായി പരാമര്‍ശിക്കപ്പെട്ടതിനെത്തുടര്‍ന്ന് പോലീസ് ജാഗ്രതാ നിര്‍ദ്ദേശം നല്‍കിയിട്ടുണ്ട്. ഡ്യൂസല്‍ഡോര്‍ഫ് പോലീസ് പ്രത്യേക ഹെല്‍പ്പ് ലൈന്‍ തന്നെ ഇതിനായി തുറന്നിട്ടുണ്ട്.
ഹാലോവീന്‍ ആശങ്കയും പോലീസിന്റെ നിലപാടും: ജെന്‍ സെഡ് പ്രക്ഷോഭം ഹാലോവീന്‍ രാത്രിയുമായി ഒത്തുവരുന്നതാണ് പോലീസിന്റെയും സുരക്ഷാ ഏജന്‍സികളുടെയും ആശങ്ക വര്‍ദ്ധിപ്പിക്കുന്നത്. അക്രമകാരികള്‍ക്ക് മുഖംമൂടികളും വേഷവിധാനങ്ങളും ഉപയോഗിച്ച് അക്രമം അഴിച്ചുവിടാനും എളുപ്പത്തില്‍ തിരിച്ചറിയപ്പെടാതെ പോകാനും ഇത് അവസരമൊരുക്കുമെന്ന് ജര്‍മ്മന്‍ പോലീസ് യൂണിയന്‍ മേധാവി ഹെയ്കോ ടെഗാറ്റ്സ് മുന്നറിയിപ്പ് നല്‍കി. ആയിരക്കണക്കിന് പോലീസുകാരെ നഗരങ്ങളില്‍ വിന്യസിക്കുമെങ്കിലും, എത്രത്തോളം അക്രമം ഉണ്ടാകുമെന്ന് വ്യക്തമായി പ്രവചിക്കാന്‍ കഴിയില്ല.
എങ്കിലും, വ്യാപാര സംഘടനയായ HDEയുടെ തലവന്‍ സ്റെറഫാന്‍ ജെന്റ്, പ്രതിഷേധങ്ങള്‍ സമാധാനപരമായിരിക്കുമെന്ന് പ്രത്യാശ പ്രകടിപ്പിക്കുന്നു. എന്തായാലും, ജര്‍മ്മനിയിലെ ഇന്ത്യന്‍ പ്രവാസികളും ഈ സാഹചര്യം മനസ്സിലാക്കി വാരാന്ത്യത്തില്‍ അനാവശ്യമായി വലിയ നഗരങ്ങളിലെ പ്രതിഷേധ വേദികളിലേക്കോ തിരക്കേറിയ ഷോപ്പിംഗ് തെരുവുകളിലേക്കോ പോകുന്നത് ഒഴിവാക്കുന്നതാണ് ഉചിതം.
Comments: